head
چەند بابەتێك لەبارەی ئازادییەوە
 
پۆستەرەكانی پرۆژەی ئازادی
 
 
 

a

a
a

بەژداری له پرۆژەی نێوەندی رۆشنگەری: (ئازادی مافێكی دەستبەردارنەبوو.....)

نێوەندی رۆشنگەری بۆ لێكۆڵینەوەی فكری و سیاسی، لە زنجیرەیەك چالاكیدا دەخوازێت بە دیدێكی نوێ و لە چەند ڕەهەندێكی جیاوازەوە تیشكبخرێتە سەر چەمكی ئازادی.
 پرۆژەكەی رۆشنگەری "ئازادی مافێكی دەستبەردارنەبوو.." خۆی لە چوار چالاكی سەرەكیدا دەبینێتەوە، یەكێكیان، بڵاوكردنەوەی كتێبێكی هاوبەشە لە نێوان كۆمەڵێك نوسەردا، كتێبەكە پێكدێت لە چەندین گوتار و لێكۆڵینەوەیەك لەسەر ڕەوشی ئازادی لە هەرێمدا، هەروەك بەشێكی تری كتێبەكە بریتیە لە ئەنجامدانی چەندین چاوپێكەوتن لەگەڵا كۆمەڵێك نوسەردا.
چالاكی دووەم بریتیە لە بڵاوكردنەوەی لفلێتێك لە پێناو ئازادیدا، ئەم لفلێتە بریتیە لە كۆمەڵێك بەندی مافەكانی مرۆڤ و ئەو بەندە یاسایی و دەستوریانەی لە هەرێمی كوردستان و عێراقدا جەخت لە ئازادی دەكەنەوە، هەروەك ئاماژە دەدرێت بە كۆمەڵێك وتەی فەیلەسوفان و بیرمەندان كە رۆڵێكی بەرچاویان گێراوە لە دەوڵەمەندكردنی چەمكی ئازادیدا، ئەم لفلێتە لەسەرجەم هەرێمی كوردستاندا بڵاودەكرێتەوە.
چالاكی سێهەمی ئەم پرۆژەیە بریتیە لە سازدانی سێ خوان لە شارەكانی سلێمانی و هەولێر و كەركوك لەسەر ئازادی، دیارە لە خوانەكاندا ئەو كەس و لایەنانە بانگێشتدەكرێن كەبەجۆرێك لە جۆرەكان بەشداری و كاریگەریان هەیە لەسەر ئەم چەمكە، خوانەكان بریتین لە گفتوگۆیەكی كراوە و راشكاوانە لە نێوان بەشداربواندا، ڕا و بۆچونی هەموو توێژ و بەرپرس و لایەن و رۆژنامە و كەناڵەكانی راگەیاندن وەردەگیرێت، ئەم خوانانە ئەزموونێكی نوێیە بەوەی گروپ و كەس و لایەنە جیاوازەكان لە خوانێكدا كۆدەكرێنەوە و هەر یەك بە تێگەیشتنی خۆی بەشداری ئەو گفتوگۆیانە دەكەن كەلەسەر چەمكی ئازادی ئەنجامدەدرێت.
چالاكیەكی تری ئەم پرۆژەیە بریتیە لە كردنەوەی پەناڵێكی تایبەت بە بیرورا ئازادەكان لە وێبسایتی رۆشنگەری، دیارە ئەم پەناڵە لە هەموو شوێنێكی دنیاوە بەشداری خۆی دەبێت و هەر بیروبۆچونێك كەلەم پەناڵەدا دادەبەزێ گوزارشت لە بیروبۆچونی بەشداربوان دەكات.
 هەڵبەت كۆی ئەو بەشداریانەی لەم پەناڵەدا ئەنجامدەدرێت لەگەڵا سەرجەم چالاكییەكانی تری پرۆژەكەی رۆشنگەری، دەكرێنە (كۆنوسێك لە پێناو ئازادی) پێشكەش بە حكومەت و پەرلەمان كوردستان دەكرێت، تا لە رێگەی ئەو كۆنوسەوە سەرلەنوێ بە دیدێكی نوێوە چەمكی ئازادی لە هەرێمەكەی ئێمەدا راڤەبكرێت.
بۆ ئەو مەبەستە نێوەندەكەمان دەخوازێت بەرێزتان بەشداری ئەم پرۆژەیە بكەن، بەشدارییەكان بە دوو شێوە دەبێت:
یەكەم: بەشێوەی وتار و بابەت، كە پێویستە وتارەكان بنێرێن بۆ ئەم ئیمێڵە (azady@roshngari.com )
دووەم: بەشێوەی نوسینی سەرنج و كۆمێنت بەشێوەیەكی راستەوخۆ لەو فۆڕمەی لە هەمان ئەم پەیجەدا بۆ ئەو مەبەستە ئامادە كراوە.
سەرجەم ئەو وتار و لێكۆڵینەوانەی دادەبەزێ لە وێب سایتی رۆشنگەریدا، لە ژمارەیەكی تایبەتی گۆڤاری رۆشنگەریدا بڵاودەكرێتەوە.

 

بیروڕاكانی بەشدار لە تەوەری ئازادی دا سەرجەم وتارەكان: 5
+ مەریوان عەلی ئازادی ...دەروازەیەك بۆ لێبوردەیی و پێكەوەژیان ، كەركوك بە نمونە
+ دەشتی ئایا هەڕشە بۆ سەر میدیای ئازاد هەڕەشەیە بۆسەر هەمووان
+ هەردی كریم ئاشتی لە ئازادیدایە یان ئازادی لە ئاشتیدایە؟
+ مەریوان عەلی پرسیار لە ئازادی
+ هەردی عەلی شانازی ئازادی رادەربرین لەبەردەم پرسیاردا

تۆماری 1تا 5

 

دواین سەرنج‌و كۆمێنتەكان سەرجەم سەرنجەكان: 98
دانا نوری 2011-02-03

هەمیشە پرسی ئازادی بە چەند بابەتێكی ترەوە گرێ دەدرێت، بۆ نمونە چۆن میللەتە ستەم دیدەكان لە رێگەی راپەرینی جەماوەریەوە ئازادی بەدەست دەهێنن وەختێ لەو رێگەیەوە ئازادی بەدەست دێت چونكە لە بنەڕەتدا میللەتەكە بە هۆی بارودۆخی ئابوری و كۆمەڵایەتی و كلتوری و رۆشنبیری و داگیركاریەوە دواكەوتوە دەبینین سەرئەنجام ئازادی بەدەست نایەت لە لیبیا معمر قەزافی و لە تونس زین بن علی و لە میسر مبارك لە كوردستان تڵەبانی و بەرزانی بەرهەمدەهێنێت. بە بۆچون من هەرگیز فەوزا گەورەكان راپەینە خوێناویەكان كوشتارگە گەورەكان بۆ ئازاد ناتوانن ئازادی دەستەبەربكەن...

رێبین هەژار 2011-01-18

شۆرشی ئازادیخوازی لە میللەتێكدا روودەدات كە خەلكەكەی خاوەن ئیرادەبن نەك لە موچە و ئیمتیاز بترسن، شۆرشی ئازادیخواز ئاڵاكەی هێواش هێواش دەشەكێتەوە ئەوەی ماوە ئیرادەی میللەت ئیتر زوڵم نا عەدالەتی سەدەكانی ناوەراست راستر سەدە تاریكەكان لەم مەسئولە دنیا نەدیوانە قبوڵ نەكەن

رسول سابير 2011-01-17

ئەو كەسانەی ئازایانە رووبەروی دەسەلاتداران دەبنەوە پێیان دەڵێن ئێوە لە دەسەڵاتەكەی تونس بە تواناتر و بەهێز تر تەمەند درێژتر نین، كەسانێكی بەهێز و ئازادی خوازن......كاتی ئەوەیە تونسی رۆژئاوای وڵاتە عەرەبیەكان بكەینە پەند بۆ ئەو جۆرە دەسەڵاتە بنەماڵەچیەی خۆمان و پێیان بڵێین ئێوە ك حساب بۆ ئەو هەموو خەڵكە ناكەن رژاونەتە سەر شەقامەكان ئیتر چیتان فەرقە لەگەڵ سەرۆكەی تونس چیتان فەرقە لەگەڵا ئەو جەلادانەی ئێران كە گوێ بە هەموو دنیا نادەن بەراستی كاتی ئەوە هاتووە شۆرشی ئازادی راسەقینە لە وڵاتی ئێمەش دەست پێ بكات...انشااللە دەست پێەكات

سامان شەوكەت 2011-01-16

بە بروای من ئازادی لە چوار چێوە گشتیەكەیدا، بینینی فەزایەكە لە بەر یەك كەوتن و ململانێی ئاشكرا، واتە هەتا مرۆڤ و گروپ و جڤادەكان بە شێوەیەكی ئاشكرا و راستەوخۆ نەكەونە ململانێی یەكتر مومكین نییە باسی ئازادی بكرێت، لە كۆمەڵگادا كاتێك جۆری ململانێ و بەریەك كەوتنەكان نهێنی بێت واتە رێگری و بەربەست هەیە لە تەعبیركردن، خاڵێكی تر كە گرنگە سەرنجی لێبدەین مەسەلەی ئینتمایە، مرۆڤ ئەگەر ئازاد نەبێت لەوەی ئینتمای بۆ نەتەوە و ئاین و شوێن نەبێت ئەوا ئازاد نییە، من پێم سەیرە كەسێك بڵێت من ئازادم ئینتمام هەیە بۆ نەتەوە وفڵان ئاین و فیسار شوێن، كەسی ئازاد ئازادە لەوەی ئینتمای نەبێت، بێگومان مانای ئەوە نییە كەسێك بێ رێزی بكات یان پێشێلی یاسا بە پێچەوانەوە بریتیە پابەند بوون بەڵام لە دەرەوەی ئینتما، دیارە جوانترین ئینتما بریتیە لە ئینتما بۆ ئینسانبوون!!

دليَر سادق 2011-01-15

دەستخۆشیتان لێدەكەم: بە بروای من پرسی ئازادی پەیوەندی بە هەموو پێكهاتەكانی ناو كۆمەڵگاوە هەیە، هیچ پێكهاتەیەك نییە بەشدار نەبێت لەم پرسدا، لەلایەكی ترەوە كەسێك ناتوانێت باسی ئازادی بكات گەر دەسەڵات دادپەروەر نەبێت، گەر روكنەكانی فەرمانڕەوایەتیكردن دیموكراتیزە نەكرابێت، پێیشم وایە بەشی شێری ئازادی لە یەكسانی و دادپەروەریدا خۆی دەبینێتەوە.

سوارە حەمید 2011-01-14

لە راستیدا هەموو چەشنە بیركردنەوەیەك لە ئازای باشترە بە كۆمەڵێك مەسەلەی ترەوە گرێبدرێت، وەك پرۆسیجەری دیموكراتیزەكردنی كۆمەڵگا، چاكسازی لە بنەماكانی ئابوری و سیاسی و پەروەردەیی، هەروەك ئازادی لە هەوای بۆشدا هەناسە نادات بەڵكو ئەم چەمكە توند گرێدراوەتەوە بە باری دیموگرافی كۆمەڵگا و باری كارتێكراوی ئاینی و رۆشنبیری گشتی، وەك وتم ئازادی لەبۆشایدا هەناسە نادات بەڵكو لەسەر ئەو ستونانە دەگوزەرێت كە فاسیلەیەكی باریك دەهێڵنەوە لە نێوان دیكتاتۆری و دیموكراسی لە نێوان خێر و شەردا لە نێوان لێبوردەیی و دەمارگیری...هەر چەمكێكی سیاسی و فكری و فەسەفی رێژەیی تێدا بێت ئازادی تێیدا نییە.......

هاورێ ئەحمەد سەنگاوی 2011-01-12

هەر كەسێ باسی ئازادی بكات با یەكێتی و پارتی باسی نەكات، ئەوان بۆ دژایەتیكردنی ئازادی ئازان نەك دژایەتی گەندەڵی وپارە خۆری و ملكەچی دوژمن

سەرۆ 2011-01-11

دەسخۆشیتان لێدەكەم، هەڵبەت بابەتەكە ئەهێنێت زۆری لەسەر بنوسرێت و قسەدی جدی تیابكرێت، من چەند سەرنجێكم هەیە: 1.كێشەی ئازادی لە هەموو دنیادا پەیوندی بە سێ لایەنی دەسەڵات و تاك و دامودەزگاكانەوە هەیە، دیارە دامودەزگاكان تەنها دەسەڵات ناگرێتەوە بەڵكو موئەسەسەی ئاینی و زانكۆ و ناوەندە رۆشنبیرییەكان..هتد دەگرێتەوە، ئەم دامەزراوانە چۆن كاریگەری لەیەكتر دەكەن و ئیستعابی چەمكی ئازادی دەكەن. 2.ئازادی تەنها لە فكردا نییە، بەڵكو لە راڤەكاریدایە، واتە جیاواز لە چەمكەكانی تر ئازادی دەخوازێت لەسەر ئەرزی واقع تەوزیف بكرێت،وەك لەسەر رۆژنامە وگۆڤار كتێب و خۆپیشاندا و نقابەكان... 3.پێویستە ئازادی لە رێگەی یاساوە رێكبخرێت و سنوری ئازادیەكان بە سنوری ئازادی ترەوە ببەسترێتەوە. 4.تا ئەو شوێنەی دەسەڵاتەكای جێبەجێكردن و یاسادانان و داد لەیەكتر جیاەكرێنەوە و هەر بوارێكیان سەربەخۆی خۆی نەبێت ئازادی بونی نابَت

شنۆ سالار 2011-01-11

سەرەتا دەست خۆشیتان لێدەكەم بۆ ئەو بەرنامە جوانە، خۆتان باش دەزانن پرسی ئازادی هەموو تاكێكی كۆمەڵگا دەگرێتەوە بەبێ جیاوازی، واتە ڕەگەز لەم پرسەدا رۆڵێكی ئەو تۆ نابینێت ئەوەی هەیە ئازادی هەموومان دەگرێتەوە بەڵام دەبنین ڕەگەزی مێینە لەم كێشەیەدا زیاتر تووشی تەنگوچەڵەمە بۆتەوە ئەوان دیلی دوو كێشەن یەكەمیان لەسەر ئاستی كۆمەڵگا ئازادیان لێ مەحرمە دووەمیان وەك مێینە لەم كایەیەدا دەیان جار مەزلومترە لە ڕەگەز لە پیاوان بۆیە حەقە لەم مەسەلەیە زیاتر بدوێن

دلێر حمەد 2011-01-10

هەر قسەیەك دەربارەی ئازادی دەبێت بە دەسەڵاتدا تێپەێت، ئەمرۆ دەسەڵات وەك مۆتەیەك وایە بەسەر میللەتەوە لە هەر شوێنێك باسی ئازادی بكرێت ئەوان بێ سێ و دوو دژی دەوەستنەوە، ئیتر دەسەڵات وەك دووژمن سەیری ئازادیخوازان دەكرێت، بەڵام ئەمە هەموو چیرۆككە نییە، چیرۆكی ئازادی نە لەسەر رووبەری رۆژنامە نەبە فلم و نە بە هیچ كۆدێك كۆتایی نایەت...ئازادی خەونی دەستەجەمعی كۆمەڵگایە

فريشته 2011-01-09

دەمێكە لە وڵاتی ئێمەدا وتراوە "سەربەخۆیی بێ فیداكاری ئەبەد سەرناگرێت" من دەڵێم هیچ میللەتێك هێندەی ئێمە قوربانی نەداوە بە قەدەر چوار ئەوەندەی سەربەخۆیی هەرێمی كوردستان فیداكاریمان كردووە، بەڵام چونكە نەقسێك هەیە لە تێگەیشتنی چەمكی ئازادی ئەوا دەبێت قوربانی و فیداكاریەكان بەردەوام بێت، بۆ سەبەخۆیی نا بەڵكو بۆ ئازادی...

محمد گەرمیانی 2011-01-08

بەرێزان ئەوەی لەم هەرێمەدا دەگوزەری لەبارەی ئازادیەوە تەنها فرۆشتنەوەی ئەم ووشەیەیە كە هاوڵاتیان لە لایەن حزبە دەسەڵاتدارەكانەوە وەكو ئەوان خاوەنی ئازادی موتلەق بن بۆ ئەم میللەتە لە كاتێكدا ئازادی مافێكی سروشتیەو هەموو هاونیشتمانیەك مافی خۆیەتی بە ئازادی بیر بكاتەوە رای خۆی دەربری و رەخنە بگری بەڵام سیاسەكانی ئەم وولاتەئەم راستیەیان پی هەزم ناكرێ‌ یان نایەنەوێت دان بەو راستیەدا بنێن.

سازان محمد 2011-01-08

هەموو ناشرینیەكانی دونیا ناتوانێت ئومێدی ئازادی لە خەڵك زەوت بكات، ڕەنگە بتواندرێت ئازادی زەوتبكرێت، بەڵام نا تواندرێت خەونی ئازادی و ئومێدی ئازادبوون زەوتبكرێت، مادەم ئەم كرە ناكرێت كەواتە ئازادی هەر دێتە دی

سیروان حەمە غەریب 2011-01-08

سەرنجەكەی شانۆ وای لێكردم بەشداری بكەم، من دەپرسم ئەو هەموو شەرەی یەكێتی كردی(دوای راپەرین)لە گەڵ حزبە كوردیەكان، ئەو هەموو شەرانەی هەر دوو حزبە دەسەڵاتدارەكە كردیان بەسن بۆ ئەوەی وشەی ئازادی لەم جۆرە حزبانە مەحروم بكەیت، كاكە ئەمانە وڵاتیان كاول كرد، روبعی ئەو سامانی دوای راپەرین كۆیان كردۆتەوە سەرفی بكەن بۆ میللەت ماڵی 2 تا 3 فلیپینی خزمەتكاری دەبێت، ئەمانە لە هەموو شتێكدا بلیمەتن تەنها لە تێگەیشتندا نەبێت، كاكە ئازادی ئەقڵی دەوێت سنگ فراوانی ولێبوردەیی دەوێت پێم بڵێ چ سەركردە و حزبێكی كوردستان لێبورەیە، واللە قسە بكەی بە فیشەك جوابت دەدەنەوە

شانۆ 2011-01-05

هەر كەسێك دوای ئازادی بكات هیچ كێشەیەكی بۆ دروست ناكرێت، حكومەتی هەرێمی كوردستان و یەكێتی نیشتمانی كوردستان تا سەر ئێسقا باوەریان بە ئازادییە، ئەو هەموو رۆژنامە و گۆڤارە سەربەخۆیانە، ئەو هەموو كەناڵانەی راگەیاندن ئۆپوزیسونێكی بوختانكەر هەموو ئەمانە ئەگەر ئازادی نەبێت چۆن دەتوانن تەعبیر لە خۆیان بكەن، ئایا بێ ویژدانی نییە چەندین ساڵە شەر بە یەكێتی دەفرۆشن لەسەر ئازادی كە چی یەكێتی هەموو ژیانی حزبایەتی خۆی لەو پێناوەدا تەرخانكردووە، تازە بە تازە مەریوانی وریا قانع دەڵێت هەڵەمان كردووە ئەو هەموو ڕەخنەیەمان لە یەكێتی گرتووە، راستیەكەی نەك هەڵە بەڵكو تاوانتان كردووە، دوژمنانی ئازادی دیارە كێیە راست دەكەن دەست بخەنە سەر پیتەكان

دواتر دواین
تۆماری 1تا 15

تەنیا سەرنج و كۆمێنتەكان دەربكەون

نوسینی كۆمێنت بۆ ئەم بەشە راگیراوە