head
چەند بابەتێك لەبارەی ئازادییەوە
 
پۆستەرەكانی پرۆژەی ئازادی
 
 
 

a

a
a

بەژداری له پرۆژەی نێوەندی رۆشنگەری: (ئازادی مافێكی دەستبەردارنەبوو.....)

نێوەندی رۆشنگەری بۆ لێكۆڵینەوەی فكری و سیاسی، لە زنجیرەیەك چالاكیدا دەخوازێت بە دیدێكی نوێ و لە چەند ڕەهەندێكی جیاوازەوە تیشكبخرێتە سەر چەمكی ئازادی.
 پرۆژەكەی رۆشنگەری "ئازادی مافێكی دەستبەردارنەبوو.." خۆی لە چوار چالاكی سەرەكیدا دەبینێتەوە، یەكێكیان، بڵاوكردنەوەی كتێبێكی هاوبەشە لە نێوان كۆمەڵێك نوسەردا، كتێبەكە پێكدێت لە چەندین گوتار و لێكۆڵینەوەیەك لەسەر ڕەوشی ئازادی لە هەرێمدا، هەروەك بەشێكی تری كتێبەكە بریتیە لە ئەنجامدانی چەندین چاوپێكەوتن لەگەڵا كۆمەڵێك نوسەردا.
چالاكی دووەم بریتیە لە بڵاوكردنەوەی لفلێتێك لە پێناو ئازادیدا، ئەم لفلێتە بریتیە لە كۆمەڵێك بەندی مافەكانی مرۆڤ و ئەو بەندە یاسایی و دەستوریانەی لە هەرێمی كوردستان و عێراقدا جەخت لە ئازادی دەكەنەوە، هەروەك ئاماژە دەدرێت بە كۆمەڵێك وتەی فەیلەسوفان و بیرمەندان كە رۆڵێكی بەرچاویان گێراوە لە دەوڵەمەندكردنی چەمكی ئازادیدا، ئەم لفلێتە لەسەرجەم هەرێمی كوردستاندا بڵاودەكرێتەوە.
چالاكی سێهەمی ئەم پرۆژەیە بریتیە لە سازدانی سێ خوان لە شارەكانی سلێمانی و هەولێر و كەركوك لەسەر ئازادی، دیارە لە خوانەكاندا ئەو كەس و لایەنانە بانگێشتدەكرێن كەبەجۆرێك لە جۆرەكان بەشداری و كاریگەریان هەیە لەسەر ئەم چەمكە، خوانەكان بریتین لە گفتوگۆیەكی كراوە و راشكاوانە لە نێوان بەشداربواندا، ڕا و بۆچونی هەموو توێژ و بەرپرس و لایەن و رۆژنامە و كەناڵەكانی راگەیاندن وەردەگیرێت، ئەم خوانانە ئەزموونێكی نوێیە بەوەی گروپ و كەس و لایەنە جیاوازەكان لە خوانێكدا كۆدەكرێنەوە و هەر یەك بە تێگەیشتنی خۆی بەشداری ئەو گفتوگۆیانە دەكەن كەلەسەر چەمكی ئازادی ئەنجامدەدرێت.
چالاكیەكی تری ئەم پرۆژەیە بریتیە لە كردنەوەی پەناڵێكی تایبەت بە بیرورا ئازادەكان لە وێبسایتی رۆشنگەری، دیارە ئەم پەناڵە لە هەموو شوێنێكی دنیاوە بەشداری خۆی دەبێت و هەر بیروبۆچونێك كەلەم پەناڵەدا دادەبەزێ گوزارشت لە بیروبۆچونی بەشداربوان دەكات.
 هەڵبەت كۆی ئەو بەشداریانەی لەم پەناڵەدا ئەنجامدەدرێت لەگەڵا سەرجەم چالاكییەكانی تری پرۆژەكەی رۆشنگەری، دەكرێنە (كۆنوسێك لە پێناو ئازادی) پێشكەش بە حكومەت و پەرلەمان كوردستان دەكرێت، تا لە رێگەی ئەو كۆنوسەوە سەرلەنوێ بە دیدێكی نوێوە چەمكی ئازادی لە هەرێمەكەی ئێمەدا راڤەبكرێت.
بۆ ئەو مەبەستە نێوەندەكەمان دەخوازێت بەرێزتان بەشداری ئەم پرۆژەیە بكەن، بەشدارییەكان بە دوو شێوە دەبێت:
یەكەم: بەشێوەی وتار و بابەت، كە پێویستە وتارەكان بنێرێن بۆ ئەم ئیمێڵە (azady@roshngari.com )
دووەم: بەشێوەی نوسینی سەرنج و كۆمێنت بەشێوەیەكی راستەوخۆ لەو فۆڕمەی لە هەمان ئەم پەیجەدا بۆ ئەو مەبەستە ئامادە كراوە.
سەرجەم ئەو وتار و لێكۆڵینەوانەی دادەبەزێ لە وێب سایتی رۆشنگەریدا، لە ژمارەیەكی تایبەتی گۆڤاری رۆشنگەریدا بڵاودەكرێتەوە.

 

بیروڕاكانی بەشدار لە تەوەری ئازادی دا سەرجەم وتارەكان: 5
+ مەریوان عەلی ئازادی ...دەروازەیەك بۆ لێبوردەیی و پێكەوەژیان ، كەركوك بە نمونە
+ دەشتی ئایا هەڕشە بۆ سەر میدیای ئازاد هەڕەشەیە بۆسەر هەمووان
+ هەردی كریم ئاشتی لە ئازادیدایە یان ئازادی لە ئاشتیدایە؟
+ مەریوان عەلی پرسیار لە ئازادی
+ هەردی عەلی شانازی ئازادی رادەربرین لەبەردەم پرسیاردا

تۆماری 1تا 5

 

دواین سەرنج‌و كۆمێنتەكان سەرجەم سەرنجەكان: 98
دارا سلێمان 2011-01-05

دەستخۆشیتان لێدەكەم، لە راستیداهەموومان لەبەردەم قەدەری بریارە نا ئەقڵانیەكانی سەركردەكانداین، هەموومان چارەنوسی ئازادی و دیموكراسی و دادپەروەریمان داوەتە دەست ئەو سەركردانەی تەنها بەرچاوی خۆیان دەبینن، ئیتر بیركردنەوە لە ئازادی تەنها لە رێگەی پرۆسەیەكی نا ئەقڵانیەوە سەردەگرێت، مەبەستمە بڵێم حیوار و ڕا گۆرینەوە و ئەو شتانە لەگەڵ ئەم جۆرە دەسەڵاتانە سودی نییە، تەنها دەبێت لە رێگەیەكی توندوتیژانەوە كۆتایی بە دەسەڵاتیان بهێندرێت.

ساكار 2011-01-05

بەلای منەوە ئازادی مانای راستەقینەی هەموو بەها مرۆڤایەتیەكانە، بەلامنەوە مرۆڤی ئازاد مرۆڤێكی بەختەوەرە، من پێم وایە ئازادی دەرمانی نەهێشتنی كۆیلایەتیە، هەر سەركردە و حزب و دەسەڵاتێك رێگر بوو لە ئازادی مانای وایە دەخوازێت كۆمەڵگا بەرەو ستەمكاری و كۆیلایەتی بەرێت. ئومێدەخوازم ئەم دسەڵاتە كوردیەی خۆمان بەرەو كۆیلایەتیمان نەبات، ئەگەرچی من دڵنیام لایەنگرانی حزبەكان لە رێگەی ئیمتیازات و دەستكەوتی مادی و پۆستەوە بونەتە كۆیلە

كاروان حميد 2011-01-04

سەرۆك هەنگاوێك برۆ نێو مێژوو، هەنگاوێك بنێ بۆ نێو گۆرستانەكان، بزانە لە مێژوودا خەڵكی بەش مەینەتی كوردستان كە بەداخەوە تۆ سەرۆكیت بۆچی تێكۆشاون و ئەونەیشی شەهیدكراون بۆچی خوێنی گەشی خۆیان رشت، ئایا تەنها بۆ ئەوە بوو بژین یان بژین و ئازادانە بژین....

محمد وەهاب 2011-01-04

بە هەموو پێوەرێك ئەو ململانێیەی ئێستا لە نێوان رۆشنبیرانی ئازادی و حزبە دەسەڵاتدارەكاندا هەیە، بە تایبەت پارتی ململانێیە لە نێوان ئازادی و كۆیلایەتی، ئەم ململانێیە بە پلەی نایاب لە پێناو دەنگی ئازاد و دەنگی ناسازی دژ بە ئازادییە! بۆ پشتگیریكردنی ئەو نوسەرە جدیانە با هەموومان پشتگیری هەموو پۆژەیەك بكەین لە پێناو ئازادیدا

سەركان نوری 2011-01-03

دەستخۆشیتان لێدەكەم بۆ ئەو كارە جوانەتان بەراستی ئەم جۆرە كارە گشتیانە زۆر گرنگن هەبن، دیارە میللەتی ئێمە لەوەتەی هەیە هەر بە ژێردەستی و ژیانی كولەمەرگی ژیاوە هەربۆیە بچوكترین تروسكایی بە گەورەترین دەروازە بینیوە، من بیرم دێت كاتی خۆی باوكم كە گوێی دەنا بە (رادوێ)ەوە رادیوەكە باسی ئەوەی دەكرد كە كێشەی فەلەستین و جولەكەكان لە چارەسەر نزیك بۆتەوە باوكم دەیوت بە زاتی خوا شتێكیش بۆكورد دەكەن، ئەمە لەسەرەتایی هەشتاكان، جا ئەوەی ئێستا بە دەستهاتووە كەم نییە بەڵام مەخابن لە ناو خۆماندا دەرگاكان بەسەر یەكتردا دادەخەین بۆیە ئومێدی ئەوەی ئازادی بەر بگرێت ئومێدێكی لاوازە

شوان ئه‌بوبه‌کر 2011-01-03

سڵاو، سه‌ره‌تا ده‌ستخۆشی له‌ ستافی گۆڤاری ڕۆشنگه‌ری ده‌که‌م، بۆ اسه‌کردن له‌سه‌ر ئه‌م ته‌وه‌ره‌، ئه‌وه‌ی ئه‌مڕۆ له‌ کوردستان ده‌گوزه‌رێت، ده‌بینی ڕه‌وشی ئازادی به‌ره‌و خراپبوون ده‌ڕڕوات، ته‌نها له‌سه‌ر ده‌ستی هێزێک، ئه‌ویش ده‌گه‌ڕێته‌وه‌ بۆ ئه‌وه‌ی که‌لسه‌ر ئه‌م چه‌مکه‌ که‌رده‌که‌ن ( ئه‌بێت هه‌موومان یه‌ک بیر کردنه‌وه‌مان هه‌بێت، ئه‌گه‌ر تۆ جیاوز بیت له‌ من نیت) ، به‌ڵام ئومێده‌وارم له‌ڕێگه‌ی چه‌ند که‌سێکی ڕۆشنبیر و تێگه‌یشتووه‌ بتوانین سه‌رجه‌م هه‌ڵه‌کانی ئه‌م هه‌رێمه‌ ڕاستبکه‌ینه‌وه‌. دووباره‌ ده‌ستان خۆش

راسان 2011-01-01

راپەرین دەروازەیەك بوو بۆ تەماشاكردنی دنیای دەرەوەی كوردستان، دنیایەك پێش راپەرین تەنها لە چەند وێنەیەكی خەیاڵیدا تەماشامان دەكرد، دوای راپەرین دەركەویت ئێمە خاوەنی كۆمەڵێك كێشەی سیاسی و كلتوری و جڤادین، دەركەوت كە ئەو كێشانە پێویستیان بە وردبونەوە و تێرونینی قوڵ هەیە!! هەروەك تەنه بەوە چارەسەر نابێت دەسەڵاتی بەعس لەناوماندا كۆتایی پێ بهێندرێت، چونكە كێشەكان كێشەی ناوخۆیین و تایبەتن بە خودی خۆمان، بەڵام هەر لەسەرەتای راپەرینەوە رووبەرەكانی ئازادی بەرەو تەسكبونەوە و لێك دوركەوتنەوە رۆیشت ئیدی دەركەوت لەگەڵا تەسكبونەوەی مەساحەی ئازادی رووبەرەكانی پێكدادان و دژ وەستان بەرامبەر یەكتر لە هەموو چانسەكان زیاتر بوو...بەكورتیلە فەراغی ئازادیدا تەنها عنف و شەر و دژ وەستان بەرامبەر یەكتر شوێنی دەگرێتەوە

سمكۆ حەمە 2010-12-31

ئازادی وەك ئەوە وایە باسی بەهەشتێكی دەرگا داخراو بكەی! وەك ئەوەیە باسی چیرۆكێكی خەیاڵی بكەی، ئەمە لە كاتێكدا ئەگەر دەسەڵات بتوانێت گەمە بەم چەمكە بكات، بەڵام ئازادی دەتوانێت دەرگا لەسەر هەموو رووبەرە تاریك و داخراوەكان بكاتەوە چونكە نهێنی ئەم چەمكە لەوەدایە كە دەتوانێت ئیرادە بۆ مرۆڤ بگەرێنێتەوە بەوەش مرۆڤ توانای برینی هەموو سنورە دەستكردەكانی دەبێت.

زانا 2010-12-31

دەست خۆشیتان لێدەكەم: هیوادرم بەردەوام بن، من دەمەوێت بڵێم ئەگەر كەسێك خۆی ئازاد نەبێت ناتوانێت دان بە ئازادی ئەوانی ترا بنێت، واتە كێشەی ئازادی پەیوەندی بەو مرۆڤانەوە هەیە كە خۆیان دیلی شتێكن و بە ڕەوای نابینن كەسی تر ئازاد بێت، ئەمە كێشەكەیە

كەمال میرانی 2010-12-31

رێك پێچەوانەی ئاراستەی باو كۆمەڵگا دەسەڵات برۆ ئەوە ئازادییە، ئایا كەس هەیە بتوانێت بكەوێتە دەرەوەی كۆمەڵگا و دەسەڵات نەخێر نییە كەواتە ئازادی نییە....ببورن گەر سەرنجەكەم نا ئومێدكەر بێت بەس ئەوە راستیە

سەركەوت شێخ حسێن 2010-12-31

بیركردنەوەكەتان جوانە، بەڵام لەگەڵا یەكێتی و پارتیدا وەك ئەوەیە ئاسنی سارد بكوتن...بەداخەوە ئەم دوو هێزە دەیان هەزار كری گەنجیان بە كوشتدا كەچی ئێستا خۆیان بوونەتە دیچوەزمەی ئازادی....... دەستان خۆش

لەنجە 2010-12-31

ئێمە كەلە دوای راپەرین لە دایك بووین تێروانینێكی جیاوازمان هەیە لەوانەی پێش راپەرین لە گۆرەپانەكەدا رۆڵیان بینیوە، ئەگەرچی ئێمە وەك دانیشتوی كەركوك هەردەم دەربەردەر و پر معانات بووین، بەڵام من كە لە دایك بووم لە شاری سلێمانی بۆ چەند ساڵێك دەبوو ماڵی باوكم لەوێ نیشتەجێ بوون، ئەوەی بەلای منەوە گرنگە ئەوەیە ئازادی وشەیەكی سحرییە دەتوانیت كێشەی پێ بنێیتەوە دەتوانت هەزاران خەڵكی پێ بكوژیت...بەكورتی چەمكێكە ڕەوایەتی دەدات بە هەر كەسێك بخوازێت چی دەوێت بیكات...من باوەرم وایە ئازادی بۆ بەهێزەكانە سەدام كە بەهێز بوو چی ویست كرد مالكی كە بەهێز بوو چی ویست كردی عەلاوی كە بەهێز بوو چی ویست كردی و فەلوجەی تەختی عەرز كرد ئاخر ئێمە دەبێت لەم وشەیە سڵ بكەینەوە دەبێت بترسین بەهێزەكان ئازادانە هێزەكەی خۆیان بەكار بهێنن بروانە یەكێتی و پارتی كە ئێستا لەوپەری هێزدان چ كارەساتێك دەنێنەوە ئازادن پارە و سامانی ئەم میللەت بدزن گەندەڵی بكەن گۆڕان پەراوێزبكەن...چی خوا پێی ناخۆش بێت ئەی كەن چونكە لە هێزدان و ئازادن

نامیق حسێن 2010-12-30

هەر كات نەتەوە ئامادەباشی تیابوو بۆ قوربانیدا لە پێناو ئازادی نەتەوە، ئەو كات ترسێكی گەورە، تاریكیەكی گەورە رووبەرەكانی نیشتمان و تاك بە تاكی كۆمەڵگا دەگرێتەوە لەبەرئەوەی نەتەوە پێویستی بە سەرەخۆیی نیشتمانی هەیە، پرسی ئازادیش بە تەواوەتی پرسێكی تایبەت بە تاك، ئەگەر سەربەخۆیی نیشمانی لەسەر دەستی هێزە سیاسیەكان لەسەر دەستی جەنگاوەرەكانی شاخ بێتە دی ئەوا هەرگیز ئازادی لەسەر دەستی ئەوان نایەتە دی.. ئەوان نەوەی جەنگ و رووبەروبونەوە خوێناویەكانن، ئەوان نەوەی داستانەكانی كوشتن و ئیختیالات و كوشتارە گەروەكانن، چەمكی ئازادی بەم توخمانە نامۆیە ... نەخێر نە نامۆ بەڵكو كوفرە بەرامبەر ئەو خەباتەی خوێنی لێ دەتكێت...ئازادی پرسێكی ئەخلاقی و خانەكانی نێو كۆمەڵگای مەدەنییە......

هێرش رووف 2010-12-29

سەرەتا دەمەوێت دەست خۆشیتان لێبكەم، من لەم مەسەلە گرنگەی ئێوە وروژاندوتانە چەند تێبینیەكی سەرەكیم هەیە،هیوادارم بەلاتانەوە پەسەند بێت، ئازادی پۆلێدەكرێت بۆ چەند ئاستێك ئاستی یەكەم ئازادی لە (خود)دا، ئەمەیان پەیوەندی ناواخنی بە مرۆڤەوە هەیە، راستتر بە ئیرادەوە هەیە هەتا خود لە رووی ئیرادەوە ئازاد نەبێت ناتوانێت داوای ئازادی بۆ كەس بكات، ئاستی دووەم ئازادی لە ئاستی كۆمەڵگادا، مەبەستم لەوەیە ئازادی دەبێت وەك نەریت و بینینی بەرامبەر تەماشا بكرێت، ئەم ئاستەیان لە كۆمەڵگادا پەیوەندی بە كلتور و رۆشنبیری گشتیەوە هەیە، ئاستی سێهەمیان ئازادی لەدیدی دەسەڵاتەوە، هەڵبەت ئەمەیان لە هەموویان گرنگترە، هەتا دەسەڵات باوەری بە چەمكی ئازادی نەبێت، هەتا دەسەڵات ستراتیژێكی دیاریكراوی نەبێت بۆ دەسەڵات ناكرێت لە فەزای گشتی و سیاسی و كایەكانی تریشدا باسی ئازادی بكرێت، دەسەڵاتێك دەتوانێت باوەر بە ئازادی بهێنێت كە لە قڵایدا لەسەربنەمای دیموكراسی و باوەرهێنان بە بنەما بنچینەیەكانی ئازادی دامەزرابێت هەڵبەت بەستنەوەی هەر سێ كایەكە ئەو كات چەمكی ئازادی پێ تەكامل دەكریچت

رێژوان 2010-12-28

ئازادی پێویستی بە یاسا و پشتگیری كۆمەڵگا هەیە، واتە ئەگەر یاسا نەبوو ئازادی نییە، ئەگەر خواستی خەڵك بۆ ئازادی نەبوو واتە ئازادی نییە، یاسا دەبێت یاسایەكی دادپەروەرانە بێت نەك زالمانە، كۆمەڵگاش دەبێت ئاستی هۆشیاری بەرزبێت ئەو كات ئازادی هەزم دەكات.

سەرەتا زیاتر دواتر دواین
تۆماری 16تا 30

تەنیا سەرنج و كۆمێنتەكان دەربكەون

نوسینی كۆمێنت بۆ ئەم بەشە راگیراوە