head
چەند بابەتێك لەبارەی ئازادییەوە
 
پۆستەرەكانی پرۆژەی ئازادی
 
 
 

a

a
a

بەژداری له پرۆژەی نێوەندی رۆشنگەری: (ئازادی مافێكی دەستبەردارنەبوو.....)

نێوەندی رۆشنگەری بۆ لێكۆڵینەوەی فكری و سیاسی، لە زنجیرەیەك چالاكیدا دەخوازێت بە دیدێكی نوێ و لە چەند ڕەهەندێكی جیاوازەوە تیشكبخرێتە سەر چەمكی ئازادی.
 پرۆژەكەی رۆشنگەری "ئازادی مافێكی دەستبەردارنەبوو.." خۆی لە چوار چالاكی سەرەكیدا دەبینێتەوە، یەكێكیان، بڵاوكردنەوەی كتێبێكی هاوبەشە لە نێوان كۆمەڵێك نوسەردا، كتێبەكە پێكدێت لە چەندین گوتار و لێكۆڵینەوەیەك لەسەر ڕەوشی ئازادی لە هەرێمدا، هەروەك بەشێكی تری كتێبەكە بریتیە لە ئەنجامدانی چەندین چاوپێكەوتن لەگەڵا كۆمەڵێك نوسەردا.
چالاكی دووەم بریتیە لە بڵاوكردنەوەی لفلێتێك لە پێناو ئازادیدا، ئەم لفلێتە بریتیە لە كۆمەڵێك بەندی مافەكانی مرۆڤ و ئەو بەندە یاسایی و دەستوریانەی لە هەرێمی كوردستان و عێراقدا جەخت لە ئازادی دەكەنەوە، هەروەك ئاماژە دەدرێت بە كۆمەڵێك وتەی فەیلەسوفان و بیرمەندان كە رۆڵێكی بەرچاویان گێراوە لە دەوڵەمەندكردنی چەمكی ئازادیدا، ئەم لفلێتە لەسەرجەم هەرێمی كوردستاندا بڵاودەكرێتەوە.
چالاكی سێهەمی ئەم پرۆژەیە بریتیە لە سازدانی سێ خوان لە شارەكانی سلێمانی و هەولێر و كەركوك لەسەر ئازادی، دیارە لە خوانەكاندا ئەو كەس و لایەنانە بانگێشتدەكرێن كەبەجۆرێك لە جۆرەكان بەشداری و كاریگەریان هەیە لەسەر ئەم چەمكە، خوانەكان بریتین لە گفتوگۆیەكی كراوە و راشكاوانە لە نێوان بەشداربواندا، ڕا و بۆچونی هەموو توێژ و بەرپرس و لایەن و رۆژنامە و كەناڵەكانی راگەیاندن وەردەگیرێت، ئەم خوانانە ئەزموونێكی نوێیە بەوەی گروپ و كەس و لایەنە جیاوازەكان لە خوانێكدا كۆدەكرێنەوە و هەر یەك بە تێگەیشتنی خۆی بەشداری ئەو گفتوگۆیانە دەكەن كەلەسەر چەمكی ئازادی ئەنجامدەدرێت.
چالاكیەكی تری ئەم پرۆژەیە بریتیە لە كردنەوەی پەناڵێكی تایبەت بە بیرورا ئازادەكان لە وێبسایتی رۆشنگەری، دیارە ئەم پەناڵە لە هەموو شوێنێكی دنیاوە بەشداری خۆی دەبێت و هەر بیروبۆچونێك كەلەم پەناڵەدا دادەبەزێ گوزارشت لە بیروبۆچونی بەشداربوان دەكات.
 هەڵبەت كۆی ئەو بەشداریانەی لەم پەناڵەدا ئەنجامدەدرێت لەگەڵا سەرجەم چالاكییەكانی تری پرۆژەكەی رۆشنگەری، دەكرێنە (كۆنوسێك لە پێناو ئازادی) پێشكەش بە حكومەت و پەرلەمان كوردستان دەكرێت، تا لە رێگەی ئەو كۆنوسەوە سەرلەنوێ بە دیدێكی نوێوە چەمكی ئازادی لە هەرێمەكەی ئێمەدا راڤەبكرێت.
بۆ ئەو مەبەستە نێوەندەكەمان دەخوازێت بەرێزتان بەشداری ئەم پرۆژەیە بكەن، بەشدارییەكان بە دوو شێوە دەبێت:
یەكەم: بەشێوەی وتار و بابەت، كە پێویستە وتارەكان بنێرێن بۆ ئەم ئیمێڵە (azady@roshngari.com )
دووەم: بەشێوەی نوسینی سەرنج و كۆمێنت بەشێوەیەكی راستەوخۆ لەو فۆڕمەی لە هەمان ئەم پەیجەدا بۆ ئەو مەبەستە ئامادە كراوە.
سەرجەم ئەو وتار و لێكۆڵینەوانەی دادەبەزێ لە وێب سایتی رۆشنگەریدا، لە ژمارەیەكی تایبەتی گۆڤاری رۆشنگەریدا بڵاودەكرێتەوە.

 

بیروڕاكانی بەشدار لە تەوەری ئازادی دا سەرجەم وتارەكان: 5
+ مەریوان عەلی ئازادی ...دەروازەیەك بۆ لێبوردەیی و پێكەوەژیان ، كەركوك بە نمونە
+ دەشتی ئایا هەڕشە بۆ سەر میدیای ئازاد هەڕەشەیە بۆسەر هەمووان
+ هەردی كریم ئاشتی لە ئازادیدایە یان ئازادی لە ئاشتیدایە؟
+ مەریوان عەلی پرسیار لە ئازادی
+ هەردی عەلی شانازی ئازادی رادەربرین لەبەردەم پرسیاردا

تۆماری 1تا 5

 

دواین سەرنج‌و كۆمێنتەكان سەرجەم سەرنجەكان: 98
كەوسەر جلال 2010-12-14

دەمەوێت ئەوە بڵێم ئەم پرۆژەیە زۆر گرنگە ئەگەر بێتو مەوجاكەی فراوانتر بكرێت واتە لە ئاستێی فراوانتری كۆمەَگای كوردیداقسەو باسی لەسەر بكرێت، هەروەها چەند تەوەرێك دەستنیشانبكرێت بۆ ئەوەی قسەی لەسەر بكرێت، ئەوە جگەلەوەی هەموو تەوەرەكان بە هەردوو باری ئیجابی و نەگەتیفی قسەی لەسر بكرێت، بۆ نمونە پرسی ئازادی ژنان، لایەنە باشە و خراپەكە لە چیدایە؟ بۆچی ژن ئازادبكرێت باشە یان خراپە؟ ڕەنگە ئەم پرسیارە لە رووی منگقەوە هەڵە بێت چونكە ئازادی رێسا و یاس و تێگەیشتنی خۆی هەیە! ئەوە راست نیە بڵێن با هەموومان ئازادبین و چیمان دەوێت ئەنجامی بدەین، دەبێت ئێمە ئازاد بین لە سایەی دەسەڵاتێكی ئەقڵانی و دیموكراسی و داپەروەرانەدا، ئەمەش لە رێگەی دەستور ئەو یاسایانەوە دەبێت كە پشت بەو چەمكە گەردونیانە ببەستێت.

شۆڕش حه‌مه‌سالح 2010-12-14

ئازادی له‌پێش ئه‌وه‌ی خواستێکی کۆمه‌ڵایه‌تی بێت پێویستیه‌کی ناوه‌کی مرۆڤه‌ واته‌ په‌یوه‌ندیه‌کی قوڵی هه‌یه‌ به‌ ئه‌نگێزه‌کانی( غه‌ریزه‌کانی) مرۆڤه‌وه‌. ئه‌وه‌ی ( له‌ کۆمه‌ڵگا ئاینیه‌کان) دا جێگه‌ی تێڕامانه‌ جیاکردنه‌وه‌ی ئازادیه‌ له‌ غه‌ریزه‌. من پێموایه‌ هه‌رگیز ناتوانین له‌ سایه‌ی ده‌سته‌ڵاتێکی داخراو و پشتبه‌ستوو به‌ ئایندا که‌ پایه‌کانی خۆی له‌سه‌ر خه‌فه‌کردنی غه‌ریزه‌کان داناوه‌ باس له‌ ئازادی بکه‌ین. کۆمه‌ڵگایه‌ک که‌ گرنگی به‌ ئیرۆس نه‌دات هه‌رگیز به‌ شێوه‌یه‌کی سروشتی ئازادی تیایدا گه‌شه‌ ناکات.

فەرهاد 2010-12-13

كاتی خۆی لە موزاهەرەكانی هەشتاكانداكەس پرسی بە بەعس نەدەكرد ئەرێ موزاهەرە بكەین یان نا! بەڵام لە سایەتی ئەو ئازادیەی ئێستا تێیدا دەژین دەبێت پرس و ئیجازەی بۆ وەرگرین! ئەمە ئازادییە بەو مەرجەی ستەمكارەكان چەند پێیان باش بوو ئەوەندە رێگە بدەن ئەرێ كەس بەم ئازادییە شایەدمان دەهێنێت

جەزا سعید 2010-12-13

پرۆژەكەتان دەنگ و سەدایەكی كەمی هەیە من نازانم ئەمە پرۆژەی رێكخراوێكە یان هی نێوەندی رۆشنگەریە؟ ڕەنگە ئەوەش مشكیلە نەبێت، ئەوەی مشكیلەیە بە چ تێگەیشتنێك لەسەر ئازادی قسەدەكرێت؟ ئازادی لە چیدا؟ كێ كێ ئازاد دەكات؟ ئایا ئێمە دیلی دەسەڵاتین یان ئاین یان داب و نەریتین؟ ئەم پرسیارانە جومگەی سەرەكین لەو وڵاتانەی وەك ئێمە، ئەگەر بیەوێت وەڵامی پرسی ئازادی بداتەوە. هەوڵدەدەم بە بابەتێك لەم رەوە بەشداری بكەم

سؤز رِشيد 2010-12-13

سوپاس بۆ ئەو پرۆژە جوانە، من پێم وایە كاتی خۆیەتی پرۆژەیەكی وا لە ئێستادا جێ بەجێ بكرێت، هەر نەبێت زیندوویی میللەتەكەمان ئەسەلمێنێت كە ئێمە میللەتێكی زیندووین و بەدەوام قسەی جدیمان هەیە لەسەر مەسەلەیەكی هەستیاری وەك ئازادی من دوو پێشنیارم هەیە: 1. مەسەلەی ئازادی بكرێتە محوەرێكی سەرەكی سەرجەم كارەكانی رۆشنگەری. واتە ژمارەكی رۆشگەری نەبێت كە باسێكی تێدا نەبێت لەسەر ئازادی. 2. ئێوەش وەك هاورێ رۆشنبیرەكانتان نەترس لە دەرخستنی بیروراكانتان چونكە بیرتان بێت پرۆژەكەتان ئازایەتی و ئیرادە و جورئەتی دەوێت

كاروان 2010-12-13

سەرەتا دەستخۆشیتان لێدەكەم بە هیوای سەركەوتنی پرۆژەكەتان..... بەرێزان ئەوەی سنور بۆ ئازادی دادەنێت تەنها ئازادی خۆیەتی ئەمەش لە پێناو پاراستنی ئازادی كەسانی دیكەدا . چونكە ناكرێت هەر كەس بە خواست و دڵی خۆی چی بیەوێت بیكات و دەریببرێت لەم كاتەدا بێگومان ئازادی كەسانی دیكە پێشێل دەكرێ‌ تا لە دواجاردا هەموومان ئازادی یەكتر پێشێل دەكەین وەك ئەوەی ئێستا لە كوردستاندا دەگوزەرێت.ئەمەش بەشێكی دەگەرێتەوە بۆ هۆشیاری كۆمەڵگا كە وەك پێویست لە چەمكی ئازادی تێنەگیشتوون وە بەشەكەی تریشی پەیەوەندی بە سیستەمی سیاسی ئەو وولاتەوە هەیە. گەر سیستەمەكە خۆی پێشیلی ئازادی خەڵكی كرد بێگومان خەلكی عەوامیش هەر پێشێلكاریەكیان بەلاوە ئاسایی دەبێت. ئەمەش بە هەمان شێوە لە كوردستاندا بوونی هەیە, بە نمونە یاساكان لەسەر هەموو كەس وەك یەك پیادە ناكرێن، دیموكراسی تا ئەو ئاستە قبوڵە كەباسی دەسەڵات و حزبە دەسەلاتدارەكان و بنەماڵەكانیان نەكەیت گەر ئەمەت كرد ئەوا وەك دوژمن و لە یاسادەرچوو ئەژمار دەكرێیت... وە زۆر نمونەی دیكەی ناعەدالەتی و نایەكسانی و بی مافی هەم هەرێمەدا هەیە كە رۆژانە هەموومان دركی پێدەكەین.. جارێكی دیكە سەركەوتوو بن و سوپاس

كاروان حاجي 2010-12-12

پێشەكی دەستخۆشیتان لێدەكەم، دیارە مەسەلەی ئازادی لە دنیای ئێمەدا مەسەلەیەكی هێجگار هەستیار و گرنگە مەسەلەیەكە هەموو تاكێكی كورد دەبێت بە كێشەی خۆی بزانێت، واتە ئازادی تەنها ئەوە نییە سیاسیەكان یان رۆشنبیر و رۆژنامەنوسەكان بە كێشەی خۆیانی بزانن بەڵكو دەبێت هەموویان وەك كێشەی كۆمەڵگا تەماشای بكەن،مەبەستەكەم ئەوەیە كێشەكە ئەوە نییە ئازادی چییە چۆن جێ بەجێ دەكرێت یان ئازاد ئەگەر هەبوو داخۆ فڵان حزب دەچێتە دەسەڵات یان نا، بەڵكو بە پێچەوانەوە ئەنزیمەكان هەر دەگۆرێن جا لە رێگەی توندوتیژی یان پێكدادان یان خۆپیشاندان و یان دیموكراسیەت، ئەوەی دەمێنێتەوە ئەمە ئازادی نییە فڵان حزب بكەوێت فیسار حزب بچێتە شوێنی، ئازادی پەیوەندی بە ژیانی تاكەوە لە كۆمەڵگادا، پەیوەندی بە پێناس و شوناسی منەوە هەیە لە كۆمەڵگادا هەر ئۆپوزیسونێك یان حزبێك بانگەشە ئازادی بكات ئەوا بۆ ئازادبوون ئێمە نییە بەڵكو بۆ گرتنە دەستی دەسەڵاتی خۆیانە. ئازادی واتە ئازادبوون تاك لەو قەیرانانەی كۆمەڵ و تاك بۆ دروست دەكەن.

سامان عمر 2010-12-11

هەمیشە پرسیاركردن لە ئازادی بە كۆیلایەتی تەواو بووە، هەروەك پرسیاركرن لە كۆیلایەتی بە ئازادی دەستپێدەكات، ئێمە دەبێت مەوقعی خۆمان دیاریبكەین لە چ پرسیارێكدین؟ ئێمە دەبێت وەك نەوەی دوای راپەرین پرسیاری ئازادی بكەینە وێردی سەرزمانمان سەركردە پەرست و پۆست پەرست و بەرژەوەندی پەرست

سەرەتا زیاتر
تۆماری 91تا 98

تەنیا سەرنج و كۆمێنتەكان دەربكەون

نوسینی كۆمێنت بۆ ئەم بەشە راگیراوە